「呢一本相集係比較2010同2020我影嘅相。

 

點解會整一本咁樣嘅相集,源自於我喺今年九月生日嗰陣落咗去Göttingen搵Ray Wong,除咗搵佢吹水之外係想完成我畢業作嘅最後一塊拼圖-當日我影佢喺國會上水,今日我終於有機會去揾佢。張相對於我嚟講都係幾iconic一張相,佢無愁眉苦臉,只係對住鏡頭笑。我覺得佢都幾cute幾靚仔呀(重點),所以成個相集其實係由Ray Wong 呢張相開始-我諗我點都要整一本相集放落去

 

然後有日我又醒起以前喺中學嘅時候,有時我地學校抽中咗去打Debate,場debate係政改論壇中學版-正好係十年前,嗰個係仲有五區公投嘅年代,嗰個係陳淑莊仲係長頭髮嘅年代,公民黨仲未比人滅黨嘅年代lol

 

我地學校抽中代表公民黨去打debate,而我作為一個學校嘅影相佬去咗影我嘅同學見公民黨嘅議員,有陳淑莊有余若薇,然後望返啲相,就覺得2010同2020年一個era變化真係好多-

 

2020年嘅自己,執相顏色用色無再咁中毒mode,但係2010個自己都幾pure幾true呀~然後由一個短髮TB 變咗一個上tinder周圍屌嘅港女,如果係以前2010年嘅自己,望住2020嘅自己,佢一定會話「點解你變到咁slutty?」(okay 我諗應該唔會係叫自己做slutty而係姣婆)然後2020年嘅我就會話「點解你唔早啲去溝仔點解你要攬撚住個貞節排坊做乜鳩?」然後2010年嘅我就會話「你估我唔想咩?係溝唔到渣嗎」然後爆喊
 

Oh No lol 諗到都覺得好撚嘈,呢個「同自己對話」件事就好似呢張meme咁:

 

過去同而家嘅自己不停互相摑鳩對方嘅過程,such a fucking bitch fight haha

而點解係會用一個咁 analogue 嘅方法去做一本書,(OMG 呢一本係我畢業之後第一份artwork lol  )第一我無錢可以好似以前喺大學咁print書,(八婆你畢業嗰刻又話唔再做art related stuff?),而DM Rossmann係全世界唯一仲有可以開門print相同賣文具嘅鋪頭-多謝八婆武肺,不過就算咁樣,平有平屌貴有貴屌,都係一種自己嘅紀錄姐,好似係」

2020, Berlin, Germany